صغار قلوبنا بيضا..نعيش بعالمٍ محصور ..ولا نعرف ابد اغراب ما غير عيال حارتنا

تاريخ التسجيل : 02/02/2011

بسم الله الرحمن الرحيم
السلام عليكم ورحمة الله وبركاته
كلنا أو البعض منا عاش أيام الحارة ولعب الكورة ومصا قيل وكيف كنا جيران ونخاف على بعض وحياة البساطة
إكرام الضيف شيء حلو وأيام حلوة ..... ويكمن بعضنا تعتبر له ذكريات حلوة ومضت ويمكن بعضنا إلى وقت هذا وعايشها ,,
أنــــا بتكلم لكم لأني إلى وقتي هذا عايشتها وبقى القليل من الشهور وأتركها بس السؤال أللحين؟؟ الناس إلي راح أقابلهم أو أكون معهم نفس الناس إلي قبل...
أنا ساكنة مدينة سكنية يعني الفـلل كلها نفس بعض وقلوبنا على بعض ناس ما في قلبها لا حقد ولا حسد وأمن وأمان بوابات تحرسنا تمشي بالشارع ما فيه خوف عندنا مستشفيات ومدارس وحدائق داخل السكن كل شيء متوفر
كنا نلعب مع عيال الجيران نأخذ بالونات ونعبيها مؤويه ونلحق بعض ..وصديقاتك معك إذا تخرجتي بكل المراحل وإذا رحنا رحلات بالمدرسة نحس إنا غير عن المدارس الثانية كانوا يقلون لنا بنات السكن الملك عبد العزيز كل من شافنا قال نفتخر بأبكم يحمون الوطن والشعب كل يوم واحد من الجيران يأخذ صديقات بناته ويودي هم المدرسة والطلعة واحد ثاني يعني شفتات ومتوفر حافلات نقل كل المدرسة سعوديات ونعرف بعض البنات إلي برا يقلون ودنا ندرس في مدارسكم مبنى حكومي نظام مطور على قولتهم(مدليين) كل بنت تنقل من المدرسة أغلبهم ما يكملون دراسة ما يقدرون يعيشون مع بنات ما تعودوا عليهم ,,, كل عصر جمعت الأمهات والبنات نطل سوق شاليهات كنا قرايب لبعض وكل يوم جمعة بعد الصلاة الجمعة القهوة عند واحد من الجيران,, وإذا الحرمة ولدت كل يوم وحدة تفطرها وتقهويها ويتجمعون عندها ,, والأولاد لعب كوره ودوري بالحارة وبالعطلة بالليل أوووه شيء ثاني شوي وطبل وسوالف ,, أما برمضان روح رمضانية غير بعد الصلاة تبدأ عند الجيران المسيار والحريم وبناتهم والمسجد محاضرات ومسابقات وأنواع الفطورات وعمال نظافة المسجد كل يوم بيت يفطرهم,, "وبالــعـيـــد"شيء يصعب التكلم عنه صلاة العيد والهدايا ويكون إمام مسجد الحارة فارش فرشات عند المسجد وكل الحارة تجمع لو تشوف المنظر أنا أشوفهم من الطاقة أتمنى إني معهم روح حللوه مره
لو أتكلم ما راح أسكت لأن من جد شيء حلو أنا ما أتخيل إني بتركهم بس ظروف عمل الوالد والتقاعد ما يسمح لنا بالبقاء كل الجيران إلي تركونا ما نسيناهم متواصلين معهم لهم بصمة بالقلب..
بس هذي الحياة ما راح أحد باقي
ما راح تبقى إلى الذكريات الحلوة ولابد نكمل مشوارنا ونرضى بالواقع
أسفه على الإطالة حبيت أتكلم عن مشاعري وأعرف مشاعركم...

الموضوع الاصلى : صغار قلوبنا بيضا..نعيش بعالمٍ محصور ..ولا نعرف ابد اغراب ما غير عيال حارتنا المصدر : منتديات روميو الكاتب : ابو فاضل

ابو فاضل; توقيع العضو